15
апрель
2022
«Мектеп менеджменті» ашық есік күні ұйымдастырылды
«Мектеп менеджменті» тақырыбында Абай атындағы қазақ орта мектебінде 15 наурыз күні ашық есік күні ұйымдастырылып, өткізілді. Мақсаты:мектептегі оқу-тәрбие, әдістемелік жұмыс моделін көрсете отырып, аудан деңгейінде тәжірибе алмасу.
Ашық есік күнінде директордың оқу-тәрбие ісі жөніндегі орынбасарының, ғылыми - әдістемелік ісі жөніндегі орынбасарының , тәрбие ісі жөніндегі орынбасардың, психолог, дефектолог, әлеуметтік педагогтың құжаттары көрмеге қойылып, аудан мектептерінен мамандар келіп, өзара пікір алмасты, мектептің жұмыс жүйесімен танысты.
Ашық есік күніне қала мектептерінен Үшарал №2, С.Иманасов, М.Мыңбайұлы мектептері, ауыл мектептерінен Жанама орта мектебі, Ақтүбек орта мектебі, Қабанбай батыр мектебі, Бескөл № 14 мектебі директор орынбасарлары, дефектолог, психологтар қатысып, Абай мектебінің құжаттамаларын көріп, өздеріне қажетті құжаттарды жүргізу туралы әдістемелік көмек алды.