1. Стресске қарсы тыныс алу. Асықпай мұрын арқылы терең тыныс алыңыз; тыныс алудың шыңында тынысыңызды тоқтатыңыз, содан кейін барынша баяу етіп тыныс шығарыңыз. Бұл тынышталдыратын тыныс алу. Әрбір терең тыныс алудан және ұзақ тыныс шығарудан кейін сіз стресстік күштеуден бөлшектей құтылып келе жатқаныңызды елестетіңіз.

 2. Минуттық релаксация. Ауыз бұрыштарын босаңсытыңыз, ерініңізді ылғалдандырыңыз. Иықтарды босаңсытыңыз. Өзіңіздің бет пен дене бейнеңізге зейін аударыңыз, олар сіздің эмоцияңызды, ойлар ішкі күйді бейнелейтіндігін есіңізде сақтаңыз. Сіздің стресстік күйіңіз жайында қоршағандар білмесін деуіңіз мүмкін. Бұл жағдайда сіз жалпы бұлшықеттерді босаңсыту және терең тыныс алу жолымен «бет-келбеті мен дене тілін» өзгерте аласыз.

 3. Жан-жағыңызға, сіз отырған жерді мұқият қарап шығыңыз. Ұсақ бөліктерге, сіз оларды жақсы білсеңіз де зейін аударыңыз. Асықпай, баяу, белгілі бір тәртіп бойынша бөлмедегі барлық заттарды қарастырып шығыңыз. Бұл қарауда толығымен зейініңізді шоғырландырыңыз.Өз-өзіңізге былай деп айтыңыз: «қоңыр жазба столы, ақ перделер, гүлдерге арналған қызыл ваза»

және т.б. Әрбір бөлек затқа зейін қойыңыз, сіз өз зейініңізді қоршаған жағдайды ойлап қабылдауға аударып, ішкі стресстік күштеуден құтылыңыз.

 4. Егер де жағдай болса, қатты стресс туындаған жерден кеткеніңіз дұрыс. Өзге, ешкім жоқ жерге кету немесе өз ойыңызбен жалғыз қалуға болатын көшеге шығу қажет. Ойша бұл кеңістікті бүге-шігесне дейін қарастырып шығыңыз.

 5. Тұрыңыз, аяқ, иық бойымен, алға қарап еңкейіп, босаңсыңыз. Бас, иық пен қолдар еркін төмен қарап салбырап тұрсын. Тыныс алу баяу. Осы жағдайды 1-2 минутқа бекітіңіз, содан соң асықпай басыңызды көтеріңіз (басыңыз айналып кетпейтіндей етіп)

 6. Қандай да бір іспен айналысыңыз, қандай болғаны маңызды емес: кір, ыдыс-аяқ жуыңыз, немесе үйді жинастырыңыз. Бұл тәсілдің құпиясы қарапайым: кез-келген іс-әрекет, әсіресе дене еңбегі, стресстік жағдайларда жай тартқыштың қызметін атқарады-ішкі күштеуден ойды ауыстыруға көмектеседі.

 7. Тынышталдыратын, сіз жақсы көретін әуенді қосыңыз. Оны жақсылап тыңдап, зейініңді шоғырландырыңыз. Бір нәрсеге шоғырлану толық релаксацияға алып келеді, жағымды эмоциялар тудырады.

 8. Есеп шот, қағаз және қалам алыңыз, сіз өмірде қанша күн өмір сүріп келе жатқаныңызды (толық жас жылы 365 күнге көбейтіледі, әрбір жылға бір күннен және соңғы туған күннен кейінгі күндерді қоса) есептеуге әрекеттеніңіз. Мұндай рационалды іс-әрекет өз зейініңізді ауыстыруға мүмкіндік береді. Сіздің өміріңіздегі бір тамаша қүнді есіңізге түсіріңіз. Бұл күн сіздің өміріңіздегі саны бойынша қаншасыншы күн болғанын есептеп көріңіз.

9. Қасыңыздағы: көршіңіз, жұмыс бойынша досыңызбен, жалпы кез-келген сүйікті адаммен қандай да бір ойды басқа жаққа бұратын тақырыпта әңгімелесіңіз. Егер де қасыңызда ешкім болмаса, досыңызға немесе құрбыңызға телефон шалыңыз. Бұл «қазір және осы жерде» жүзеге асатын және сіздің санаңыздан стресске толы ішкі диалогты жоюға шақыртылған ойды басқа жаққа бұратын іс-әрекет.

 10. Стресске қарсы бірнеше тыныс алу жаттығуларын жасаңыз.

Стресске қарсы релаксация

(бұлшық еттегі қысымды түсіру) 

   1. Тыныш, әлсіз жарықтанған бөлмеде жатыңыз (немесе ең болмағанда отырыңыз); киім сіздің қимылыңызды қыспауы керек.

2. Көзіңізді жұмыңыз, баяу және терең тыныс алыңыз. Тыныс алып шамамен он секундқа тынысыңызды ұстаңыз. Деміңізді асықпай шығарыңыз, босаңсуды қадағалаңыз және өз ойынша: бұл процедураны 5-6 рет қайталаңыз. Содан соң 20 секундтай демалыңыз.

 3. Ерік күшімен кейбір бұлшық еттерді (қол, аяқ, кеуде) жиырыңыз. Жиыруды 10 секундқа дейін ұстап, содан соң бұлшық еттерді босаңсытыңыз. Осылайша денеңіздің бойымен өтіңіз(барлық бұлшық еттеріңізді босаңсытыңыз). Онда олармен не болып жатқанына көңіл аударыңыз. Бұл процедураны үш рет қайталап, босаңсыңыз, ештеңе ойламаңыз.

4. Босаңсу сезімін: аяқ башпайларынан бастап, балтыр санға, денеден басқа дейін өзіңізді нақты елестетуге мүмкіндік беріңіз. Өз ішіңізден: «Мен толық тыныштықтамын, маған бәрі жағымды, мені ешнәрсе мазаламайды» деп қайталаңыз.

    5. Босаңсу сезімі денеңіздің барлық бөлігіне таралып жатқанын елестетіңіз.

Сіздің иығыңыз, мойныңыз, бет бұлшық еттері (ауыз ашық болуына болады) босаңсығанын сезініңіз.

6. Онға дейін санаңыз, ойша әрбір саннан кейін сіздің бұлшық еттеріңіз барған сайын босаңсып жатқанын ойша өзіңізге айтыңыз. Енді сіздің бір ғана тапсырысыңыз-босаңсу күйінен рахат алу.

7. Босаңсудан «шығатын» кез келді. 20-ға дейін санаңыз. Өз ішіңізден: «Мен жиырмаға дейін санап біткеннен кейін, менің көзім ашылады, мен өзімді сергек сезінемін. Қол аяқтағы жағымсыз күштер кетеді» деп айтыңыз.

    Берілген жаттығуды аптасына екі-үш рет орындауға кеңес береміз

Егер де жағымсыз көңіл күйде болсаңыз

сурет салу да жақсы көмектеседі

     Сіз көңіл-күйіңіздің нашарлығын сезінсеңіз тез дегенде қолыңызға қағаз қалам алыңыз. Өзіңізді реттеудің басқа да жолы сол көңіл-күйді қағаз бетіне түсіру. Жеке өзіңіз отырып, әуен ештеңе кедергі болмасын бәрін (ұялы телефон, теледидар, магнитофон) сөндіріңіз. Ішкі ойды бір бейнеге ұқсатыңыз немесе қолыңызды қағазға апарып шимайлай бастаңыз да менің қазіргі сәттегі көңіл-күйім деп іштей қайталай беріңіз, өзі шығады. Содан ішіңіздегі бір нәрсеге тиеді немесе қолыңыз шаршайды сонда барып қойсаңыз болады, салған бейнеңізге қарап бақылаңыз мен неден көңілсізбін деп сұраудан жалықпаңыз, осы жерде бірнеше ой келеді, мұқият болыңыз. Сол ойды қабылдаңыз керегі болады. Салған парақты қарап болғаннан кейін не істесеңіз де (жырту, мыжу, өртеу) өз ықтиярыңызда.

      Келесі түрі «нағыз шимақ» деп атауға болады. Екі қолыңызға екі қалам алыңыз (екі түсті болса тіпті жақсы). Ақ парақ бетіне екі қолыңызды бірдей ұстап сызғылай беріңіз «іштей ішімдегі өкпе, реніш, ашу бәрін-бәрін осы қағазға шығарып жатырмын деп сызғылай беріңіз», жылдамдық болсын, тез-тез екі қол бірге сызғылау керек. Содан қолыңыз шаршағанша тағы-тағы деп өзіңізді ынталандыра аяқтасаңыз болады. Салған парақты қарап болғаннан кейін не істесеңіз де (жырту, мыжу, өртеу) өз ықтиярыңызда. 

  Келесі бір түрі өте пайдалы ол «мамандық таңдауым дұрыс па?», алдағы уақытта «қалай болады?»,- деген сұрақтар, мазаласа келесі жаттығуды орындасаңыз болады.

      Нұсқау:

     1-серия. «Қазір сіз өзіңіздегі жағымсыз көңіл-күйіңізді салыңыз немесе мәселе, мамандық таңдауым дұрыс па?» деп айтылып, ақ параққа ойлана отырып салыңыз.

      2-серия. «Енді осы мамандық таңдауым дұрыс па немесе көңіл-күйіңізді, қалай көтеруге, шешу жолдарын анықтауды қарастырып бейнені салыңыз», Қандай шешетін жолдар бар (репиторлық, күнделікті белгілі уақытта отыру, дайындыққа өзіңізді бұра білу, оның мақсатын түсіну, жігіт-қыз ешқайда қашпайды деп бір-екі ай тоқтата отырып, тек болашақтың сызығымен жүруге өзіңізге жауапкершілік алу. Сол жолда нені беремін (ұйқы, дайындыққа отыру, өзімді реттеуге жаттығуларды қолдану, нені аламын) деген сұрақтарға суретпен бейне беріңіз. Осы жолдарды ойланып отырсаңыз, сурет арқылы ойыңызға (шешілу жолдары) көп жолдар өзі келеді.

     3-серия. «Жағымды шешімді (сіздің жоғары ұпай жинап, ата-ана мен мектеп ұжымының қуанышын көре білгеннен, кейінгі көңіл-күйіңізге тоқтала кетіп, бейнелеңіз,соны салыңыз». Сіз осы мәселенің соңғы аяқталуын қалай көресіз, әрине жағымды жағын көре білу, өзіңізге жақсы екенін әруақытта есте ұстаңыз. Егер де керек емес ойлар мазалай бастаса, іштей «тоқта»деп өзіңізге бұйыра біліңіз. Денеңіз сізге берілген аманат, машинаның дұрыс жүруі көлік жүргізушісіне байланысты болса, ал сіздің көңіл-күйіңіз бен дене құрылысыңыздың белсенді болуы, көрінуі тек сізге байланысты. Сіз үшін ешкім ешнәрсе істей алмайды, барлығы тек ӨЗ ҚОЛЫҢЫЗДА.   

    «Тәтті кәмпиттер қоржыны» жаттығуында оқушылар кәмпит түсіне қарай сұрақтарға жауап берді. Жаттығу барысында оқушыларда мақтаныш сәті сабақтан немесе спорттан жүлделі орын алып жетістікке жеткен кезде болатынын; қазіргі жағдайларына көңілдері толып ештеңені өзгерткілері келмейтіндерін; Б есімді оқушы биіктіктен және өрмекшілерден қорқатынын; және алаңдататыны – митингтен кейінгі шығыннан халықтың қиналғаны екенін байқатты. Оқушылар өздерін еркін ұстап, ойларын толық жеткізе білді. Терең ойлылық және өз елінің патриоты екендерін көрсете білді.

    «Шиеленістен шығу» жаттығуында оқушылар жіпті шеше алмай біраз қиналды. Соңында жіпті ашу құпиясы және жаттығудың мақсаты айтылып оқушылар түйген ойларымен бөлісті, «әр проблеманың шешімі бар» деген қорытынды жасады.

     «Болашаққа саяхат» жаттығуында Әли алдыға суырылып шықты. 2035 жылға дейін болашағына саяхат жасады. Соңында 2035 жылы Әлидің 1,000,000 теңгелік табысты жұмысы, әйелі және екі баласы, лексус машинасы, вилла үйі бар деген нәтижеге келді. Қазіргі өзіне «Қиындыққа мойымай тек алға жүруге, мақсатқа жету үшін сабақ оқып, ерін еңбек етуге» кеңес берді Ал Малика 2035 жылы мамандығы бойынша оқуын бітіріп, магистратураға тапсырып, жұмыс жасауда.Машинасы, үйі бар. Үйленбеген, уақытын корьераға арнауда.  Болашақтан қазіргі өзіне «Қалағаныңдағыдай өмір сүру үшін барлық мүмкіндікті пайдаланып, оқып еңбек ету керек» деген кеңес берді. Екі оқушы да сол мақсатына жетуге сенімді.

    «Жағдайды шешу карталары жаттығуы» арқылы әр сұрақ қойған оқушы өздеріне жауап алып, шешімдерін тапты.

    Қорытындылай келе: жүргізілген жаттығулар оқушыларға жағымды ой түюге, болашаққа жағымды көзқарас қалыптастыруға көмектесті.

Мектеп психологі:              А.Т.Кобегенова

Мақсаты: күйзелістік жағдайды  жеңуге байланысты бірінші сынып оқушыларының ата-аналарына  ақпарат беру.   

Іс- шара   түрі: кеңес беру, баяндама 

Қорытынды: 1 б сыныбы   ата-аналарымен «1 сынып   оқушыларының мектептегі   оқуға  бейімделу мәселелері» тақырыбында  баяндама  оқылды. Ата   аналар сұрақтарына  жауап берілді. Пікір алмасып өздерінің сұрақтарына жауап алды. Сондай  ақ  ата –аналар жалпы балаларының оқуындағы, тәрбиесіндегі қиындықтарды  ортаға   салды. Балаларды оқытуда жалпы   сабақ орындау  барысында жалықтырмас үшін  ата –аналарға  жаттығу жасап   көрсетілді. 

    Күйзелістік жағдайды  жеңуге байланысты бірінші сынып оқушыларының ата-аналарына  арналған кеңестер  (қосымшада ) және ата –аналарға   бала   тәрбиесінде ұсыныстар  жаднама түрінде  берілді. 

Мақсаты: ұстаздар арасында жағымды қарым-қатынас орнату, көңіл -күйді көтеру, өзін-өзі қосымша тануға,бірін-бірі жақсы түсінісуге ықпал жасау, баулу.

Жоспары:

1. Медитация.
2. Сәлемдесу. «Бумба – Юмба» жаттығу.
3. Арт-терапиялық жаттығу «Менің отбасым гүлдер бейнесінде» сурет салу.
4. «Өзін-өзі тексеру» жаттығуы .
5. «Майшам» жаттығуы.

         Тренинг  барысында: 

         1.«Медитация» жаттығуы 5 минут.

Таспаға жазылған релаксациялық музыка койылады.  Тренингке   қатысушылар көздерін  жұмып берілген  нұсқаумен  медитациямен жұмыс  жасайды. 

          2.Сәлемдесу. «Бумба – Юмба» жаттығуы.

          Мақсаты: ұстаздар арасында жағымды қарым-қатынас орнату.

Біз барлығымыз Бумба-Юмба тайпасына ұсталып қалдық деп елестетейік. Олардың қағидасы: «Тайпаға қабылданғыларың келсе – қасыңдағы адаммен мұрын түйістіріп, соңынан арқа сүйкеп амандасу керек.»

          3.Арт-терапиялық жаттығу «Менің отбасым гүлдер бейнесінде» 15 минут.

Мақсаты: педагогтарды   бір-бірімен  жақын таныстыру. Психологтың нұсқауымен әр қатысушы берілген   А3 форматтағы  қағазға отбасын гүлдер  формасында  салып түсіруі   керек. Бұл  жаттығу қатысушыларды  өзара  жақын   таныстырып, бір–біріне  деген оң көзқарастың тууына  ықпал  жасайды. 

4.«Өзін-өзі тексеру» жатығуы. 

Мақсаты: Өзі туралы, өзінің қоғамда алатын орны туралы өз ойын дамыту; жеке позициясын түсіну.

Әрбір қатысушы бір парақ қағаз алады және оны төрт бөлікке бүктейді.

4. «Майшам» жаттығуы.

     Біздің тренингіміз аяқталуға жақын. Ал қазір мен майшамды жағамын. Барлығымыз бір-бірімізбен бірігіп жұмыс жасағанымыз үшін бір жылы сөз айтып май шамды беріп отырамыз.

    Қоштасуға майшамды алған себебім, ол айналасына жарық шашады, жарық деген әрқашанда жақсы нәрсе, сондықтан да күндеріңіз ашық, жарқын болсын деген тілек білдіремін. Алдағы уақытта барлығымыз бір адамдай ұйымшыл болып қызмет атқарайық!

Қорытынды: психолог     топ   мүшелерімен кері  байланыс  орнатып бүгінгі өткен  тренингтен алған әсерлерімен бөлісті.  Әрбір   қатысушыға  тренингке  белсене   қатысқаны  үшін алғыс айтып, бір- біріне деген  жылы лебіздерімен қоштасты. 

Мақсаты: Ата – аналар арасында жағымды қарым – қатынас орнату, сыйластықты арттыру, отбасында балаға жақсы тәрбие беруіне ықпал жасау.

Отбасы — мемлекеттің іргетасы. Халық арасындағы «Отан отбасынан басталады» деген қағидаға айналған сөз қай кезде болсын өзгерген емес, өзгермек те емес. Отбасы – адам баласының өсіп-өніп,  қанат жайып түлеп ұшатын алтын ұясы.

Отбасылық құндылықтар дегеніміз – бір-бірін сүйіп қосылған жанұялардың отбасын сақтау үшін қолданатын ежелден келе жатқан салт-дәстүрі. Әрбір отбасының өз құндылықтары болады. Ол құндылықтар ежелден бері келе жатқан немесе жаңадан шығарылған құндылықтар болуы мүмкін.

Қазіргі таңдағы отбасылар бұрынғы салт-дәстүрді ұстануда. Бірақ сол ұстанымның өзгеруіне байланысты олар әр отбасыда әртүрлі. Ол ұстанымның өзгеру себептері заманның өзгеруіне байланысты. Себебі әр замандағы адам әртүрлі. Мысалы, бұрынғы замандағы отбасы құндылықтарымен қазір өмір сүру мүмкін емес. Бұрын адамдар әйелдеріне орамалды сыйға тартса, қазіргі жас отбасылар бір-біріне гүл немесе көйлек сыйлайды.Сонымен қатар қазіргі отбасылық құндылықтарға махаббат, сенім, түсіністік және т.б жатады.

Сәлемдесу (бір-біріне алақан жылуын беру арқылы)

Сөйлемді аяқта” әдістемесі.
 — Мен өз отбасымды жақсы көрем, себебі ….

— Мен өз отбасымды мақтан тұтамын, себебі ….
 — Отбасы бұл ….

— Отбасым бақытты болу үшін …
 — Отбасымда зорлық- зомбылыққа жол жоқ, себебі  …
 — Мен қалар едім отбасымның  ….
 — Мен үшін бақытты отбасы  …
 — Өзімнің отбасыма көңілім толады, себебі   ....
 — Отбасымыздың ұйытқысы (кім(дер)?) ......., себебі   ......
 — Отбасының міндеттері (кімдерге)  .......   жүктелген, себебі .....

— Мен үйіме асығып тұрамын, себебі ….

Бақыт деген не өзі?   /бейнебаян көрсету: Б.Момышұлы/
 Б.Момышұлының пайымдауында бақыт дегеніміз…………………..
 Бақыт әркімнің өзіне , өмір сүрген ортасына жағдайға байланысты. «Бақыттымын» деп паңданып, аяғын еріне басып жүрген көп кісілердің бақытсыз екенін өздері сезбеген. Тарихта дәулетке, атаққа паңданып мәз болып, өмірін ақымақтықпен өткізгендер аз емес…
 Бақыт дегеніміз — өмірді өз орнында, өз қалпында шамасы келгенше үлгілі өмір сүру. Адал болу, майдалықтан, іштарлықтан қашық болу. Мұршасы, әлі жеткенше өз заманын түсіне білу , өз қоғамымен бірге алған мақсатқа қопарыла шын көңілмен адал қызмет істей білу. Ар намысты қорғау –бақыттың шыңы, қиыншылықтармен санаспастан, азаматтық міндетті орындап шығу – ол да бақыттың шыңы. Жеңсең бақыт.

Күлкі — көңіл ажары (сергіту) (1 мин сұраққа жауап беру)
 Ата-аналар сіздерге берілетін сұрақтарға яғни жағдаяттарға тек қана балаңыздың атының бірінші әріпімен жауап бересіздер?
 • Тренинг ұнап жатыр ма?
 • Сағат неше болды?
 • Шаршадыңыздар ма?
 • Үйге асығып тұрсыз ба?
 • Қонақтарға не айтасыңдар?
 • Психолог шаршады ма екен?
 • Үй тапсырмасына көмектесесіздер ме?
 • Бүгін тренингке қандай көңіл-күйде келдіңіз?
 • Жиналысты ұнатасыз ба?
 • Қонаққа мені шақырасыздар ма?
 • Қандай ас ұнатасыздар?
 • Балабақша ұнай ма?
 • Үйге қалай барасыздар?
 • Туған күнге не сыйлайсыз?
 • Билеп аламыз ба?
 • Шайға не қосып ішесіздер?
 • Сұрағым өте көп пе?
 • Үйді кім жинайды?
 • Төсекті ше?
 • Асты кім пісіреді?

• Кешкі асқа не пісіресіз?
 • Каникулда не істейміз?
 • Қуанғанда не істейсіз?
 • Ренжіткен адамға не айтасың?

• Сіз энергияны қайдан аласыз?
 • Сұрақтар қашан бітер екен?

Қорытынды бөлім:«10-5-4» әдісі.
 Алдарыңыздағы ақ қағаздарға сіз үшін өміріңізге қажетті құндылықтарды жазыңыздар. Саны — 10. (Мысалы: ақша, денсаулық, білім, үй, ағайын-туыс, тәртіп, махаббат, бала, достық, бақыт)
 Енді бесеуін сызып тастаңыздар, тағы төреуін сызыңыздар. Қолдарыңызда біреуі қалды, соны оқысаңыздар. Ол көбіңізде «Бала» сөзі болар. Олай болуы заңдылық. Өйткені «Бала — ата-ананың бауыр еті», ұрпағын жалғастырар жалғасы. Әр ата-ана баласы үшін өмір сүреді. Осы басты құндылықтарымыз «балаларымыздың» тәрбие-тәртібіне аса мән берейік. «Жұмыла көтерген жүк жеңіл» демекші, баланы бірлесе отырып тәрбиелейік дей келе бүгінгі тренингімізді аяқтаймын.
 «Ертең өсіп келеді, ертеңмен бірге адам өсіп келеді. Бізде қазір жаңа қоғам ғана жасалып жатқан жоқ, жаңа адам жасалып келеді», деген екен академик З.Қабдолов. Олай болса ертеңіміз нұрлы да жарқын болуы үшін мектеп, ата-ана болып бірлесе жұмыс жасайық. Бүгінгі кездесуге келіп қатысқандарыңыз үшін көп рахмет.

Тамырларыңыз тереңге жайылып, жапырақтарыңыз жайқалып, балаларыңыздың жемісін көріп, саялы бәйтерекке айналыңыздар!!!!

Мектеп психологі: А.Т.Кобегенова

     Кездесуіміз оқушылар алақандарын ысығанша ысқылап, алақан жылуларын жанындағы көршісіне бере отырып амандасумен басталды. 

    «Адам мамандығы қандай мамандық?», «Рухани байлық деген не, қандай қасиеттерді жатқызар едің?», т.б. мейірімділік, адамгершілік төңірегінде сұрақтар қойыла отырып, оқушылар пікірлері тыңдалды. Адам мамандығын дұрыс түсіндіріп бере алды. Яғни адамгершілігі мол, басқаларды түсінетін, жамандық жасамайтын адамның бейнесі шықты.

     «Кешірімділер еліне саяхат» релаксациялық жаттығуында оқушыларға өздерін ренжіткен, көңілдерін қалдырған адамды есіне түсіруге, оған өкпе ренішін айтып, кейін кешіруге нұсқау берілді. «Ренжіткен адамды елестете алдың ба? Оны кешіре алдың ба?» сауалдары арқылы кері байланыс орнатылды. 12 оқушы ренжіген адамы жоқ екенін, 11 оқушы кешіре алғанын айтты.   Осы жаттығуға орай оқушыларға кеңес ретінде іші тасқа толған кеменің суға кететіні мысалға келтіріліп: «Әр реніш жүрегіңде жүк, тас болып жиналады. Босатып тастамасаң одан сайын ауырлай береді. Іші тасқа толған кеме сияқты жан дүниең құлазып, бата бересің. Сол үшін кешірген дұрыс.»- деген бағыт айтылды. 

    Сабақ соңында оқушылардың сабақтан алған әсерлерімен бөлісі үшін стикерлерге жазып жабыстырды. 

     Жалпы жүргізілген тренинг бойынша қорытындылайтын болсақ: оқушылар тренингтен оң әсер алған. Кешіре білу керек екенін ұғынды.

Мектеп психологі:                   А.Т.Кобегенова